الرئيسية > آراء > الحرب ديال المشاهدات فاليوتوب المغربي وصلات ربات البيوت انهم يعريو على “تراميهم” و يزيرو عليهم و هوما كايشقاو !
26/11/2019 10:00 آراء

الحرب ديال المشاهدات فاليوتوب المغربي وصلات ربات البيوت انهم يعريو على “تراميهم” و يزيرو عليهم و هوما كايشقاو !

الحرب ديال المشاهدات فاليوتوب المغربي وصلات ربات البيوت انهم يعريو على “تراميهم” و يزيرو عليهم و هوما كايشقاو !

سهام البارودي – كود//

اذا دخلتي لليوتوب و كتبتي “روتيني…” غادي يعطيك عرام ديال الفيديوات ديال “يوتوبوزات” مصورين راسهم كايشقاو فديورهم ! ماكايقدموش طبعا شي محتوى خارق للعادة ! كايديرو شي حوايج لي بزاف ديال المغربيات كايديروهم ! التسياق ! التجفاف ! غسيل المواعن ….و لكن لي خارق العادة هوا الاصرار ديال اغلبهم و هوما كايديرو داك ” الروتين” انهم يعريو على اللاص و يوريو تراميهم للمشاهدين من جميع الاقطاب! فحرب المشاهدات على اليوتوب گاع الوسائل مشروعة بالنسبة لهاد السيدات حتى التعرية على الزك و التزيار عليه وسط شي بيجامة ديال سطاشرميا و لما لا تكون هادي طريقة جديدة للدعارة !

انا شخشيا التعرية على الزك ماعنديش معاها مشكل ! كاتبقا ترمتها هاديك و هي حرة فيها ! ولكن لي كايديرونجيني هوا النفاق المجتمعي لي كانعيشو فيه و التقحبين لي كايتمارس اون كاتيميني ! فالواجهة كاتلقا بنادم كايغوت ” حنا دولة مسلمة ” حنا ناس محافظين” حنا عيالاتنا ماكايتعراوش للبراني” “داكشي لي فالزين لي فيك غي كذوب ” و فالداخل هاهوما ترامي عيالات الرجال غير مشتتين فاليوتوب بخبار رجالاتهم ! نفس هادوك الرجال لي كايگولو ليك ضد الحريات الفردية ! و ضد  حقوق الاقليات و ضد العلمانية و ضد افلام عيوش و ضد لبنى بيضار و لاشافو شي وحدة لابسة صاية فالزنقة كايگولو عليها ” قاااحباااا” ! هوما نيت لي كانشوفو ترامي عيالاتهم مباشرة فول آيتش دي !

ايوا ؟ فيناهي ديك الرجولة و الشهامة و الاسلام و القيم لي كاتفرعو لينا راسنا بيها ؟! هاهوما عيالاتكم معرين خيرهم و كايكوزو للكاميرا باش العالم كلو يشوف الزك ؟!

موضوعات أخرى