“كود” تلاقات البگرة اللي ربحات لقب اكبر حلابة. كتعطي 60 ايطرو فالنهار واللي جات الثانية. بجوج ما عندهم سمية وحدة رودانية ولخرى حمداوية
وكالات //
تباع كَيتار ديال الفنان البريطاني المشهور إريك كلاپتون (Eric Clapton) بـ625 ألف دولار، وهو أعلى ثمن تسجل في مزاد علني كان هاد الويكاند.
الفلوس باش تباع الكَيتار كيبقى قليل مقارنة مع الكَيتار ديال مغني كَروب “نيرڤانا”، كيرت كوبين (Kurt Cobain)، اللي لعب بيه في الحفلة اللي دار عام 1993.
إريك كلاپتون نوض عليه النحل ملي بدات جايحة كورونا، وكان من المشجعين ديال رفض التلقيح ورفض الحجر المنزلي وكل القيود بسباب الفيروس.
المزاد المذكور، اللي نطماتو دار “Julien’s” المتخصصة، عرف بيع بزاف من البياسات ديال المشاهير بحال كَروب البيتلز وكَانز أن روزس، نيرڤانا ومايكل جاكسون وزيد وزيد.
و فـ الفيديو التحت تفاصيل أكثر على المزاد و مختلف الحوايج اللي تعرضو فيه مع الكَيتار ديال كلاپتون.