كود – فاس//

معاناة حقيقية يعيشها حراس الأمن الخاص التابعين للمديرية الجهوية لوزارة الثقافة بجهة فاس مكناس. هاد المعاناة تتمثل في عدم صرف مستحقات هاد الفئة العاملة مع إحدى الشركات الخاصة المكلفة بحراسة عدد من مقرات الوزارة بالجهة والمباني الأثرية وغيرها.

وحسب مصادر من داخل المديرية، لـ”كود”، فإن عدد حراس الأمن الخاص اللّي خدامين مع هاد الشركة المكلفة بتدبير الحراسة مخلصاتش الناس ديالها هادي اكثر من 4 أربعة أشهر، مما زاد من معاناة هاد الفئة اللّي حتى تضرات بزاف من أزمة جائحة “كورونا”.

“السكيورتي” اللّي تابعين للمديرية الجهوية للثقافة بجهة فاس مكناس ضربو تمارة ومول الشكارة مابغاش مزال مخلصهوم. لكن المسؤولية ديالمن؟ واش للوزارة أو مول الشركة؟. هاد لفضحية تتزامن مع العيد لكبير اللّي مابقاش ليه غير أيام قليلة بزاف. حشومة هادشي وعيب.