كود هناء ابو علي ////

واش قطر غيرات موقفها مع المغرب اخيرا خاصة فقضيتو الوطنية الاولى الصحراء؟ هاد الشي اللي بان فتحاليل. غير ان الامر وفق مصدر ل”كود” مختلف على ارض الواقع. من الامور اللي كتبين باللي قطر علاقتها مزيانة مع المغرب هو حضور الاميرة لالة حسناء فافتتاح مكتبة كبيرة فقطر. استقبلتها موزة ام الامير تميم وكان حاضر امير قطر نيت وبوه حمد والرئيس الفرنسي السابق نيكولا ساركوزي ورئيس تركيا السابق.

هاد التمثيلية المغربية كتعكس باللي العلاقات مزيان. ماشي غير هادي. حسب مصدر ل”كود” فان اخر اجتماعات اللجنة المشتركة المغربية القطرية كان لهاد الدولة موقف متقدم بزاف من قضية الصحراء. حسب مصدر “كود” فقطر كتقول باللي ما يمكن يكون الا حل عسكري واكثر من ذلك “تحت السيادة المغربية” لهاد القضية.

بالنسبة لقضية طائرة قطرية لزعيم البوليساريو اعتبر مصدر “كود” ان هاد الامر ثانوي مقارنة بموقفها الجديد المتقدم من الصحراء وذكر ان هناك دول تقدم مساعدات لسكان المخيمات واخا مع مغربية الصحراء.