كود كازا ///

واش بصاح تباعت زنقة كاينة فبروطون بالحي الحسني فكازا لشركة عقار؟ المهم نايضة فكازا على هاد الشي؟ القضية بداتها جمعيات محلية وتبناتها نبيلة منيب ديال الاشتراكي الموحد ووصلاتها للبرلمان فسؤال وجهاتو لوزير الداخلية.

منيب قالت فسؤالها الكتابي للوزير باللي عمدة الدار البيضاء نبيلة الرميلي عطات الاذن باش تباع الزنقة بلا ما يرجعو للمجلس الجماعي وجبدات “للمقرر عدد 81 بتاريخ 2021 الصادر عن مجلس الجماعة نفسه بخصوص التخطيط لحدود الطرق العامة بمقاطعة الحي الحسني، والقاضي بتوسعة الممر نفسه من 8 أمتار إلى 12 مترا على طول 22 مترا”.

مصدر من مجلس المدينة اعتابر هاد الشي غير مزايدات. المصدر قال ل”كود” باللي هاداك تابع للاملاك ماشي لمجلس المدينة حتى يتم تفويتو كيف روجات شي جهات.

مصدر “كود” قال باللي عمدة المدينة ما يمكن لا تبيع ولا تشري. هاديك ارض ماشي ديالها. ومهمتها كانت تجاوب مالين الارض على شكون يملكها ودارت جواب.

المصدر قال باللي هاد الاذن فيه باللي الارض ماشي ديال الجماعة وباللي هي ديال الاملاك. وهادو هما للي باعوها للسكان

نبيلة منيب كانت اكدات باللي السكان كيستخدمو هاد الزنقة هادي 74 سنة وباللي كاين 2 قرارات إدارية متضاربة من قبل المجلس الجماعي لكازا. واحد كيهدر علي التوسعة والثاني على البيع

وباللي هاد القرار تخادو ف (التوسعة والبيع) صادرين عن المجلس الجماعي للدار البيضاء بخصوص الممر المذكور”.