كريم الشركي-كود///
7100 مغربية اللي حاصلات فمزارع الفريز فويلبا، بدات نهاية المسلسل المأساوي ديالهم واللي ستامى قرابة خمسة أشهر.
اليوم فالصباح علنات السلطات الاسبانية أن 1221 مرا مغربية هزوها نحو الميناء باش تركب فالباخرة اللي كراتها السلطات المغربية بغرض نقل هاد المغربيات الحاصلات فويلبا.
وكانت السلطات الاسبانية تكلفات بإجراء التحاليل ديال كوفيد وديال المضادات الحيوية لهاد النسا كاملين، باش يدخلهم المغرب، فيما قدم مااكو موارع الفريز ومزارع الحمضيات المساعدات فنقل وتجهيز اوراق هاد النسا باش ينهيو هاد المأساة الانسانية.
