الرئيسية > آراء > واحد عايش فالنمسا ! وسط اوروبا ! وسط الحريات و الحقوق و المساواة بين المرا و الراجل! و كايكشكش و يدفل و يتوعد المدافعين على الحريات فالمغرب ! باغي يعيش وسط الحريات فاوروبا و لكن يدفن خوتو فالمغرب وسط الجهل و الخرافة
04/03/2021 17:00 آراء

واحد عايش فالنمسا ! وسط اوروبا ! وسط الحريات و الحقوق و المساواة بين المرا و الراجل! و كايكشكش و يدفل و يتوعد المدافعين على الحريات فالمغرب ! باغي يعيش وسط الحريات فاوروبا و لكن يدفن خوتو فالمغرب وسط الجهل و الخرافة

واحد عايش فالنمسا ! وسط اوروبا ! وسط الحريات و الحقوق و المساواة بين المرا و الراجل! و كايكشكش و يدفل و يتوعد المدافعين على الحريات فالمغرب ! باغي يعيش وسط الحريات فاوروبا و لكن يدفن خوتو فالمغرب وسط الجهل و الخرافة

سهام البارودي – كود//

واحد السيد سميتو عبد الرحمن العروشي من المدافعين على مول الفوقية خرج فوسائل التواصل الاجتماعي يرغي و يزبد و كشاكشو خارجة و الدفال كايطير ليه على الكاميرا و مرة مرة كايهرب ليه الفم و يعاود يردو علاش قاليك حقا و الواد ” لن نسلمكم أخانا” و شي هضرة غليضة فحالا المجتمع مقسوم لجوج ديال الفئات ! “الوحوش الملاحدة العلمانيين” في جهة و لي باغين يتعداو على “الشباب المسلم الكيوت الجميل” لي فالجهة الاخرى !

السيد عايش فأوروبا ! فڤينَّا على مايبدو من البروفيل ديالو فالفايسبوك ! يعني عايش وسط الحضارة ! وسط الحرية ! وسط الحقوق ! عايش فبلاد كاتسمح بالعلاقات الجنسية الرضائية بين البالغين ! و كاتسمح بزواج المثليين !و فيها العيالات كايتمتعو بالمساواة الحقيقية مع الرجال ! و من وسط دوك الساحات لي كايدير فيهم الللايڤات كايدوزو حداه النمساويات بالشورطات و الصايات لابسين و مريحين و مهلين فراسهم  بالرغم من انه الاغلبية ديال الساكنة د النمسا هوما مسيحيين كاثوليك ولكن الكنيسة داخلة سوق راسها و الدولة مدنية كاتعتارف بالمواطنة و كفى بها نعمة و كلشي متع بالحرية و لله الحمد تحت سلطة القانون الوضعي! و كايشوف بعينيه انه واخا الحقوق و الحريات المواطنين ماشي عايشين فماخور جماعي بالعكس كل واحد داخل سوق مخو!

السيد عايش وسط الحرية و الحضارة و الاحترام و المساواة بين الرجل و المرأة و هاكاك كايغوت و يكشكش ماباغيش الحرية تكون فالمغرب و ماباغيش خوتو المغاربة يتمتعو بالحرية لي كاينة فالنمسا ! و كايدوي على المناضلين لي كايدافعو على الحرية فالبلاد على اساس راهم بغاو ينشرو الفسق و الفجور فالمجتمع و يخرجو على عباد الله. ايوا ملي الحريات الفردية خايبة و فساد و رذيلة آش كادير وسط من النمسا آ الشريف ؟ آجي معانا هنا ! فين مازال القانون كايعاقب على العلاقات خارج اطار الزواج و مازال عباد الله كايسلخو شي واحد لالقاوه كايشرب فنهار رمضان ! آش كادير فالنمسا مخشي فبلاد الحقوق و الحريات ؟

السيد كايكشكش حيت قاليك الرمضاني كايجيب أدومة و الطراكس و مايا للبرنامج ديالو فحالا البرنامج ديال الرمضاني مادازش فيه رضوان بن عبد السلام و الفيزازي و بن كيران و الوزراء و المسؤولين السياسيين و الرياضيين و الفنانة الكبار لا ! باش تعرف الكذوب و التدليس كايجبد غا ادومة و الطراكس باش زعما “يبخس ” من قيمة البرنامج ! و هاهوا كايجيب ادومة و الطراكس مالهم ماشي مغاربة ؟ ماشي مواطنين ؟ مايستاحقوش يدوزو فالاعلام المغربي ؟! لا حنا حيت ادومة و الطراكس ماعاجبينكش نوضو حنا ندفنوهم و نحجرو على حقهم فالظهور فوسائل الاعلام !  ماشي قمة الاقصاء هادي ؟ و الحجر ! و الوصاية !

السيد عايش فبلاد لي فيها فحال ادومة كايديرو كل عام احتفال قدو قداش ! مسيرة الفخر ! كايلبسو فيها كيما بغاو و يتباوسو و يتعانقو و ينشرو الحب و السلام ! عايشين باحترام ! متعين بالحقوق ديالهم ! يقدرو گاع يتزوجو اذا بغاو و كايشوف بعينيه المناخ السليم لي كاتوفرو النمسا للمواطنين ديالها و لكن بأنانية كايدافع على الظلامية و الاقصاء و التطرف و ثقافة البدو باش تبقا فالمغرب.

فحال هادو انا كانسميهم المنافقين ! يأكلون غلة النمسا و يسبون الملة ديالها ! المنافقين لي ماباغينش الخير للبلاد ! باغين يخليو المغربي مطحون غارق وسط الجهل و الخرافة و يعيشو هوما متعين بالحريات لي كاتكفلها ليهم الدول الاوروبية العلمانية.

موضوعات أخرى

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها