كود احمد الطيب ////
علمت “كود” من موظفي مكتب السكك الحديدية ان التي جي في يتوقع يتم افتتاحو مع عيد الاستقلال اي 18 فهاد الشهر. احد موظفي المكتب اكد ل”كود” العمليات التجريبية لهاد الحدث دارت وكلشي داز مزيان. فاجعة تران بولقنادل اللي تقتل فيها 7 الشهر للي فات بعد ما تقلبات الماشينة اثرات على هاد الحدث لكبير
المصدر قال ل”كود” ان التدشين غادي يكون فالاول بين القنيطرة وطنجة. واضاف ان هاد المسافة غادية تقطع ف50 دقيقة واخا فالعمليات التجريبية كتقطع ف47 دقيقة. المصدر اكد ل”كود” ان كلشي مزيان “ما كتحسش بالسرعة وحتى الكاس ديال الما ايلى حطيتيه فوق الطابلة ما كيتزعزعش”.
من المتوقع ان يحضر الرئيس الفرنسي ايمانويل ماكرون لافتتاح هاد الخط اللي غادي يدشنو الملك محمد السادس. بعد هاد الخط غادي تم انهاء اللي باقي من التي جي في بين القنيطرة والدار البيضاء.