كود احمد الطيب الرباط ///

قال الحبيب الشوباني القيادي في البيجيدي، ورئيس جهة درعة تافيلالت، انه حزبه هو حزب الدولة الحقيقي وان على أعضائه ان يتصرفوا بهذا المنطق ليقووا ركائز الدولة.

هادشي قالو الشوباني مساء الجمعة اثناء ترؤسه للجنة السياسية للمجلس الوطني للعدالة والتنمية، وفي معرض مناقشة البرنامج السنوي للحزب، ودفاعه عن الخط ديال الامانة العامة لي مراتو الثانية عضوة فيها ولي هي سمية بنخلدون.

الشوباني المعروف بخرجاته الاستعراضية لي كاتسبب مشاكل للحزب ديالو، ومعروف ايضا انه من المناصرين ديال العثماني لي كان ليه الفضل عليه فابرازو وادخالو للامانة العامة.

المجلس الوطني لحزب العدالة والتنمية كان بارد وباهت بسبب عدم حضور ميسي السياسة فالمغرب بنكيران لي قاطع هاد الدورة ومابغاش يكون شاهد على هاد الانحدار لي وصل ليه الحزب ديالو.