كود كازا//
كشف المكتب الوطني للماء والكهرباء أن موجة الحر اللي تواصلات من 5 يوليوز، تسببات فارتفاع استهلاك الضو.
وحسب بلاغ المكتب، وصلات ذروة الاستهلاك ل6.710 ميكَاوات، وتسجلات ليلة 12 يوليوز على الساعة التاسعة و45 دقيقة مساء، بزيادة 270 ميكَاوات بالمقارنة مع 2020.
ذروة الاستهلاك بلغت 6.710 ميكَاوات ،وسجلت على الساعة التاسعة و45 دقيقة مساء يوم الأحد 12 يوليوز 2021، اي بزيادة قدرها 270 ميغاوات مقارنة مع 2020
فنفس اليوم، بلغات ذروة الاستهلاك الصباحية 6.634 ميكَاوات مع ال12 ديال النهار، بزيادة 279 ميكَاوات بالمقارنة مع 2020.
وبلا شك استهلاك الضو المفرط نهر الأحد راجع لاستخدام الكليماتيزورات والفرفارات بسباب الحرارة، وهذشي اللي تسبب فقطيع الضو فشي بلايص.
