گود سبور//

مصممين نهضة بركان ما يلعبوش الالي ديال دومي فينال كاس الكونفدرالية الأفريقية ضد اتحاد العاصمة الجزائري فالجزائر، غير بالتوني ديالهم اللي متعامدو الاتحاد الإفريقي لكرة القدم، واللي فيه خريطة المغرب كاملة مكمولة فالصدر.

ووضحت مصادر من داخل نهضة بركان أن الفريق عندو قرار واحد هو يلعب الماتش ضد اتحاد العاصمة فالجزائر بالتوني اللي معتادو الاتحاد الأفريقي لكرة القدم، بخريطة المغرب فاحترام كامل للقانون والاعتماد ديال الكاف.

نفس المصادر، أكدت ان ادارة النادي وافقت على طلب الاتحاد الافريقي لكرة القدم اللي راسل الجامعة الملكية المغربية للعبة، باش نهضة بركان يمشيو يرتاحو ويتأمنو فلوطيل فالعاصمة الجزائرية، بينما لقاو الكاف اليوم السبت بنهار، حل لمشكل التونيات اللي حاجزين عليهم السلطات الجزائرية ويرجعوهم للفريق.
وزادت أكدت نفس المصادر أن نهضة بركان برئاسة حكيم بنعبد الله حازمين فالقرار ديالهم، وما غيلعبوش الماتش ضد اتحاد العاصمة فدومي فينال كاس الكاف بلا التوني اللي حاجزين عليه الكابرانات، بسبب خريطة المغرب الكاملة اللي فالصدرظ، وراه هو التوني المعتمد من طرف الكاف.