عمـر المزيـن -الرباط:

العرض اللي تقدم بيه رئيس الحكومة أمام المركزيات النقابية باين مغادييش يشد الطريق ديالو فقد خرجت النقابة ديال الاتحاد المغرب للشغل ببلاغ سجلت من خلاله بأن العرض الحكومي لا يرقى لانتظارات عموم المأجورين ومغاديش يمكن يحسن الأوضاع المادية والاجتماعية فظل هاد الظرفية اللّي متميز بارتفاع الأسعار وتجميد الأجور.

وسجل البلاغ: “هاد العرض الحكومي مغاديش يشمل المطالب العادلة والمشروعة اللي تقدمنا بيها وفالمقدمة ديالها الزيادة العامة فالأجور للقطاعين العام والخاص والتخفيض الضريبي، حيث لا يتضمن الرفع من الحد الأدنى من الأجر ويقصي فئة مهمة من الموظفين”.

وطالبت نقابة موخاريق بالتحسين ديال العرض الحكومي حتى يكون فالمستوى ديال انتظارات عموم المأجورين فالإطار ديال مقاربة اجتماعية كتراعي التوازنات الاجتماعية والتماسك الاجتماعي عوض المقاربات المحاسباتية.

كما أكدت التشبت ديالها بفضيلة الحوار الاجتماعي كمدخل للنهوض بالأوضاع الاقتصادية والاجتماعية ديال موم الأجراء والرقي بالاقتصاد الوطني.

وكانت الحكومة قد قررت الزيادة فأجور ديال الموظفين المرتبين فالسلم الخامس إلى العاشر كالتالي: – 200 درهم ابتداء من فاتح يناير 2019 – 100 درهم ابتداء من فاتح يناير 2020 – 100 درهم ابتداء من فاتح يناير 2021، وزيادة فالتعويضات العائلية بمبلغ 100 درهم قد تُصرف على دُفعتين: 50 درهم 2019 و50 درهم 2020.