كود سبور//

توعت الدولي المغربي نايف أكرد وما قدرش يكمل ماتش الفريق ديالو ويستهام النگليزي ضد باير ليفركوزن الألماني فريق المغربي الاخر أمين عدلي، ضمن إياب ربع نهائي الأوروبا ليگ.

وخرج المدافع المغربي نايف أكرد فالوقت بدل الضائع من الشوط الأول بين ويستهام وباير ليفركوزن، حيث توعت فرجليه وما قدرش يكمل الماتش وخلا ويستهام متقدمين بواحد لزيرو.

ماتش ويستهام ضد باير ليفركوزن، هو الماتش الثاني على التوالي اللي كيلعبو نايف أكرد كرسمي مع ويستهام، حيث كانت مشات له الرسمية بعد كأس أفريقيا حيث مستواه نقص.