وكالات //

كتواصل دار الأزياء الفرنسية الفاخرة “ديور” (Dior) دعمها لجوني ديب، باش يكون وجه إعلاني لپارفان “Sauvage”، بعدما خرج خبر/إشاعة  كيقول بللي كاينة شركة جديدة دخلات على الخط وغادي تسيني مع نجم قراصنة الكرايبي.

موقع “TMZ” الميريكاني قال أن الصفقة الجديدة بين ديور وجوني ديب بمبلغ كبير بزاف، هادشي كامل باش تحافظ دار الأزياء الفرنسية على جوني كوجه رسمي لمنتوج “سوفاج” واللي روجو ليه من نهار سيناو الكونطرا اللول ف2015.

موقع “Business of Fashion”، قال أن “سوفاج” هو الپارفان اللول ديال الرجال اللي كيحقق مبيعات كبيرة من نهار جوني دار ليه الإشهار، و”ديور” كتتوقع باش هاد المبيعات والمداخيل تزيد تطلع من بعدما انتاعشات شوية أسهم جوني ديب مللي ربح قضية التشهير ضد طليقتو آمبر هيرد.