نجوى المالحي – كود //
أعلن الكوميدي المغربي الفرنسي كَاد المالح، أنه غادي يدخل غمار المجال الفني بألبوم غنائي جديد، غادي يخرجو هاد الشهر.
كَاد لي كان ضيف في نشرة الأخبار بالفرنسية ديال “دوزيم” قال أنه بهاد الألبوم غادي يكون حقق واحد من أحلام الطفولة، حيت كان من ديما كيحلم يولي مغني كبير.
واضاف المالح ان عشقو للموسيقى ماشي جديد، بل ديجا خرج اغاني، وشارك شحال هادي مع فرقة موسيقية في المغرب، وقدمو حفلات.
گاد المالح خدم على ألبومو في فترة الحجر الصحي، وبغى من خلالو يكرم الفنان الفرنسي الكبير كلود نوگارو، وقال انه ناوي يخرجو في 29 يناير.
