منال غادي طرطق للمتخلفين المرارة.. تصويرة جديدة بالمايو مع راجلها وسط البحر
نجوى المالحي- كود//
واخة التعاليق المتدعششة والمتخلفة لي نزلو عليها آخر مرة حطات سيلفي مع راجلها بالمايو، نشرات منال بنشليخة، مرة أخرى صورة جديدة مع راجلها نيت من وسط البحر وما تسوقاتش للتعاليق ديال الناس لي ورا الشمس.
منال رفقات الصورة لي حطاتها على حسابها في انستكرام بتعليق طويل هدرات فيه على الاستقلالية في الحب وعلى حياتها هي وراجلها لي كيبنيوها بجوج وغادين فيها ومفتاخرين بيها.
التعليقات على صورة منال مع راجلها كنت كلها إيجابية، وهادشي طبعا تفاعلا مع الكلمات المعبرة لي كتبتها بالفرنسية باش تبين أنها ما كتسوقش لأي حاجة سلبية وغادة تعيش حياتها كيف هي باغية.