شوهة وضربة لميناء المتوسط. الخزيرات شدات 25 طن دلحشيش ودازت من الديوانا. واش كاين شي كومليس ولا ثغرة خاصو يطيرو فيها ريوس
كريم الشركي-كود///
رئيس بلدية الناظور رفيق مجعيط لي طلع للرئاسة بعدما تشد حوليش، وبانت اختلالات كثيرة فالجماعة من نهار طلع، مشى دعا ناشط جمعوي واعلامي فإقليم الناظور.
مجعيط تاهم عبد المنعم شوقي بالسب والقذف عبر صفحتو على الفايسبوك، بسباب احدى التدوينات، من العديد من التدوينات اللي كيفضح فيها ناشط المذكور ما يقع في البلدية، خصوصا قسم التعمير لي جابو ليه رئيس جديد صديق شقيق الرئيس وكيكون معاه دائما فبيرو وسط المدينة، وتماك كيطريطيو الضوصيات.
فضح شوقي لهاد السلوكيات خلات مجعيط يرفع عليه دعوى، ويمارس جميع انواع الضغوطات باش شوقي يتحبس، ولكن المحكمة فنهاية المطاف حكمات فقط بالحبس سورسي.
وكانت الفرقة الوطنية ستامعات لرفيق مجعيط بسباب ملفات التعمير ومازال مابانش الضوصي واش غايدوز للمحكمة بحال ديال حوليش او غادي يتطوى.