كريم الشركي-كود///

قالت مصادر محلية بطنجة، أن حزب البام اللي خدام كيوجد الانتخابات فالشمال وكينافس الاحزاب القوية، وتمكن من استقطاب الكثير من الوجوه الانتخابية فتطوان والمضيق الفنيدق، رجع المنافس الاول للاحرار والعدالة والتنمية وفي العرايش رجع هو والاحرار والاستقلال في المقدمة وفي باقي الاقاليم باستثناء الفحص انجرة يبدو في مقدمة الاحزاب.

بعد هادشي الادريسي لي تصدر فحقو حكم العزل من المحكمة الادارية بدا كيستعمل جميع المناورات باش اركب على هادشي كامل ويرجع ويبان بأنه هو المنقذ ديال البام، حسب نفس المصادر، حيث قالت ان الادريسي سيظل بعيدا عن تسيير الشأن الانتخابي.

وزادو انهم كيتمناو لو انه يخرج من المحنة ديالو وغادي يوقفو معه من الناحية المعنوية ولكن مغاديش اتدخل في الانتخابات نهائيا والامور ديال الحزب ديالهم ماشا مزيان بلا بيه.