كود سبور//
طمأنت اللاعبة الدولية المغربي سناء مسودي النجمة ديال فريق الجيش الملكي والمنتخب الوطني المغربي النسوية ديال كرة القدم، المغاربة على الحالة الصحية ديالها من بعد تعرضها لحادثة سير خطيرة.
وتفاعلت سناء مسودي مع القلق والخوف ديال المغاربة عليها بسبب الحادثة لي دارت البارح فالنواحي ديال ميديت، ونشرت سطوري فانستگرام هذا لعشية قالت فيه: “انا بخير وعلى خير من بعد الحادثة الخطيرة لي تعرضت ليها صبيحة أمس الأربعاء، بعد انقلاب السيارة ديالي”.
وشكرت النجمة ديال المنتخب الوطني المغربي للسيدات المسؤولين لي دخلوا على الخط فالحادث ديال السير لي تعرضت له، وأيضا للمسؤولين ديال نادي الجيش الملكي والإدارة ديالو وجميع الفعاليات ديال الفريق من ومدربين ولاعبات أيضا شكرت الجماهير العسكرية والمغربية على الدعم ديالها والمساندة لي ساندتها فهذا الموقف الصعب.
وكانت مصادر “كود” كشفت البارح الأربعاء، تعرض لاعبة الجيش الملكي والمنتخب الوطني المغربي النسوي سناء مسودي لحادثة سير خطيرة نواحي ميدلت، وأكدت على أن النجمة ديال كرة القدم المغربية بخير وعلى خير، ورغم أن السيارة ديالها تقلبات فكانت خسائر فقط مادية ودون ما تكون خسائر فالأرواح جراء الحادث.
