كود سبور//

تعرض الناخب الوطني السابق وحيد خاليلوزيتش للسرقة البارح الأحد، نفس النهار اللي كان لاعب فيه المنتخب الوطني المغربي ضد بلجيكا فكأس العالم 2022.

وحسب “rmc” الفرنسية، فالشفارة دخلو الدار ديال وحيد خاليلوزيتش الليل كاينة فمنطقة “ايفيلن”، وضربو الكوفر اللي كانوا فيه لفلوس ومجوهرات وشي ساعة فاخرة.

وفتح البوليس الفرنسي تحقيق فالواقعة البارح فالليل، وكتقدر قيمة المسروقات بواحد 80 ألف يورو.

وكتهبط هاد المصيبة على المدرب البوسني وحيد خاليلوزيتش، وهو باقي ما هضمش الاقالة ديالو من تدريب المنتخب الوطني المغربي واخا دازت عليها  تقريب 3 أشهر، والشفرة اللي تعرض لها كتزامن مع التألق ليكيب ناسيونال فالمونديال.