كريم الشركي-كود///
قال مركز ايواء طالبي اللجوء فسبتة، ان عدد النزلاء ديالو نزل بشكل كبير، الى حدود 200 نزيل، بعدما كان سنتي 2018 و 2019 كيفوت 700 نزيل.
وقالت صحيفة ال فارو دي سيوتا، أن هاد المنزول سبابو اغلاق الحدود بسباب جائحة كورونا، مشيرة ان النزلاء لي كاينين دابا جزء صغير منهم مافيتش عشرين من دول جنوب الصحراء وجزء اخر ماواصلش عشرين من الجزائر والبقية كولهوم مغاربة.
واشارت الصحيفة، ان المركز لي ااطاقة الاستيعابية ديالو ماخاصهاش تفوت 394 نزيل، كان كيعاني من قبل، لكنه سنة 2020 عرف نزول كبير فعدد النزلاء، حيث وصل عددهم ل 453 نزيل، وفسنة 2021 كاين دابا فقط 200 نزيل.