26/04/2024 12:33
“كود” تلاقات البگرة اللي ربحات لقب اكبر حلابة. كتعطي 60 ايطرو فالنهار واللي جات الثانية. بجوج ما عندهم سمية وحدة رودانية ولخرى حمداوية
وكالات //
مرة أخرى غادي يوقف نجم موسيقى “R&B” الميريكاني روبرت سيلفستر كيلي (Robert Sylvester Kelly)، المعروف ب”آر كيلي” (R. Kelly)، قدام المحكمة فشيكاكَو بسباب اتهامات جنسية جديدة ضدو، من بعد ما تحكم عليه ب30 عام فقضية بحالها.
وتوجهات لكيلي تهم جديدة متعلقة بعرقلة سير العدالة واستغلال القاصرين ففيديوهات وتصاور بورنو وباستغلا جنسي لقاصرة.
التهمة الجديدة كتقول أن آر كيلي اتفق مع جوج من الشرما ديالو باش يعطلو مسار محاكمته المتعلقة باستغلال الدراري الصغار فمواد بورنوكَرافية ف2008 بعدما ابتز واحدة من الضحايا بالتهديد والرشوة باش ما تشهدش ضدو.
ومن المتوقع دبا باش تعطي الضحية نفسها شهادتها على هاد الجريمة قدام المحكمة.