كود هناء ابو علي ///

مخابرات الجزائر خدامة هاد ليام غير على المغرب. ما كاين غير المغرب. رئيسهم المريض تبون خرج قرارات كيعتابر المغرب عدو وكيمنع كاع الشركات المغربية تستثمر عندهم. مخابراتهم خرجات هاد العشية اشاعة على فؤاد عالي الهمة مستشار الملك. اشاعة تكلف بيها صفحة mapnr.blogspot.com اللي ديالهم ومخبيين ورا اسم “لاماب” وزايدينهم “ان ار”.

قالت هاد الاشاعة باللي الهمة طلب اللجوء للسفارة الكندية. حتى الاشاعة ما كيعرفوش لا يصاوبوها لا يختارو توقيتها. زعما ما بانت للمخابرات الجزائرية غير كندا.

تروج أنباء داخل القصر الملكي في المغرب عن فرار مستشار الملك فؤاد عالي الهمة نحو السفارة الكندية بالرباط من أجل طلب اللجوء السياسي ، حيث نشب خلاف حاد و مشادات كلامية في اجتماع حضرته جهات عليا في المملكة.
و يعتبر فؤاد عالي الهمة هو العلبة السوداء للملك محمد السادس.
فما الذي حصل ؟! pic.twitter.com/yL7Wy11klw

— فهد الدوسري (@Fahd_Adossari) May 10, 2021

كذبة هاد المخابرات كانت مفروشة بزاف واخا شي وحدين ما عارفينش المغرب صدقوها٬ هو انهم ربطوها بتراجع امريكي علي الاعتراف بمغربية الصحراء.

هاد الشي ديال التراجع كاين غير فمخيلة مخابرات الجزائر ووليداتها غير الشرعيين البوليساريو.

دابا باش يخلقو الاشاعات غير يبدعو فيها. حشومة يخرجو فايك نيوز بهاد الغباء