نجوى المالحي-كود//
المغني المصري محمد رمضان كاين حاليا في المغرب باش يصور فيديو كليب أغنيتو الجديدة في مراكش. وقبل ما يجي كان نوض صداع كبير ملي بان في فيديو كيبيلوطي الطيارة وهادشي خلاه يكحل الضواسة، ويولي هو حديث المصريين والقضية كبرات بزاف.
البارح الخميس هيئة الطيران المصرية عاقبات البيلوط لي كان صايك الطيارة، وسحبات منو رخصة الطيران مدى الحياة ومنعاتو من مزاولة المهنة ديالو بأي شكل من الأشكال. هادشي كامل على قبل رمضان لي رشقات ليه يبيلوطي طيارة ويصور فيديو ويحطو فانستكرام.
المغني المصري قال أن الأمر كيتعلق بطيارة خاصة لي كان فيها هو وخوه وماشي طيارة ديال المسافرين كتربط مصر بسعودية، ولكن رغم ذلك قرار هيئة الطيران خرج ضد البيلوط.
هاد المشاهير لي ولا عندهم هوس التصوير والفيديوهات مكيحسبوش مانعرفت فين باغيين يوصلو، هاهو دابل السيد ضاعت ليه حياتو والمستقبل ديالو.