الخارجية البريطانية: ما عندنا حتى تعاون مع المغرب فمجال الطاقة النظيفة والمناخ فالصحرا
كود – كازا ///
قالت عدد من الجورنالات ف اسبانيا، إن محكمة كاستيلون أيدات الحكم اللي برأ المتهمين في قضية لكسيدة اللي ماتو فيها 8 ديال المغاربة ف اسبانيا نهار 17 غشت 2008، والمعروفة إعلاميا بحادثة “حافلة أوروبيسا”. الضحايا كانو جايين من الناظور.
وشمل قرار المحكمة كل من رئيس الشركة ومسؤول قسم الصيانة، اللي كانو متابعين بتهمة التسبب في جرائم قتل بسبب الإهمال. ووقعات الأحداث بسباب انفجار الپنو ديال كار تابع لشركة “Autocares Meroño” ف الأطوروت ديال لا جونكيرا.
وتابع المدعي العام الإسباني، المتهمين بالقتل العمد الناتج عن الإهمال وعدم اتخاذ تدابير الصيانة الضرورية، بناءا على تقرير الفحص التقني، وطالب بسجنهم 4 سنين والمنع لمدة 6 سنين من ممارسة أي نشاط مهني مرتبط بنقل الركاب والمسافرين..