كود سبور//
اختارت مجلة “Vogue” العربية الكوبل المغربي الصبليوني أشرف حكيمي نجم المنتخب الوطني المغربي والممثلة من أصل تونسي هبة عبوك باش يكونو فصورة الغلاف ديالها لشهر أكتوبر.
كود سبور//
اختارت مجلة “Vogue” العربية الكوبل المغربي الصبليوني أشرف حكيمي نجم المنتخب الوطني المغربي والممثلة من أصل تونسي هبة عبوك باش يكونو فصورة الغلاف ديالها لشهر أكتوبر.
المجلة وفعددها الجديد عطات بأشرف حكيمي نجم باريس سان جيرمان وصاحبتو هبة عبوك المتألقة فالسينما الإسبانية، المثل فتحقيق التوازن بين الالتزامات الشخصية والمهنية وهادشي بالنظر للنجاح ديالهم المهني وأيضا فحياتهم الشخصية، حيث الكوبل ديالهم صبح كيأثر فبزاف الناس.
وبخصوص أشرف حكيمي والحب ديالو للمغرب والمشاركة فكأس العالم المقبلة بقطر رفقة المنتخب الوطني المغربي فكشف للمجلة على أنه كايحس بالضغط ووضح الفرق ما بين تلعب للفريق وما بين تلعب المنتخب بلادك وقال: “هنا فباريس، كنلعب مع فريق المدينة، وهو ماش فحال اللعب مع فريق بلدك، حيث مع المنتخب غادي يشجعوك الملايين من الناس لأنك كتلعب لمصلاحتهم، وكتحس براسك لجدك والأجداد ديالهم وهادشي كيعني انك كتلعب على قبل بزاف ديال المغاربة.
للإشارة فكيتعتبر كل من المغربي أشرف حكيمي والإسبانية من أصل تونسي هبة عبوك من أنجح ليكوبل المشهورين والمؤثرين فالعالم، حيث ولو انهم عندهم أصول عربية أمازيغية، إلا أنهم متحررين من قيود محتمهاتهم الأصلية وكلاهما قدر ينجح فحياتو الشخصية والعملية.