كود علي الصافي ///
البوليساريو خرجات كترد على خبر وفاة زعيمها ابراهيم غالي. فقد قال بيان ليها ان صحتو “لا تدعو للقلق” وباللي “يتماثل للشفاء”
البيان قال باللي دابا “قيد العلاج والمراقبة الصحية منذ عدة أيام على إثر إصابته بفيروس كوفيد-19”.
طبعا ما قالوش فين. مصدر من الخارجية الاسبانية قال لوكالة الانباء الفرنسية باللي كيتعالج فالصبليون. جون افريك هدرات على صبيطار فسرقسطة كيتعالج.
واش غاديين يشدوه فالصبليون حقاش كاين قضايا ضدو رافعينها ضدو مواطنين اسبان. متهم بتعذيبهم والمحكمة قبلات الشكاية. عندو قضية اخرى ديال قتل صيادين من لاس بالماس قبل سنوات.
دابا واش الدولة الاسبانية غادية تعتاقلو وتقدمو للمحاكمة ولا الجزائر والبوليساريو خداو الضمانات الكافية باش ما يشدوهش
