وكالات //

الممثلة المصرية أروى جودة لبسات كسوة سيكسي في فيستفال الجونة السينمائي في مصر، وتعرضات لتنمر كبير بعدما بان أنه عندها سيلوليت، بلا نانهضرو على المتخلفين لوخرين اللي هاجموها على المظهر اللي بانت بيه والكسوة اللي اخترات باش تمشي بيها للفيستفال.

بنادم كثر عليها بالطنز والكلام الخاوي والباسل اللي فيه اعتداء رمزي عليها، وهي دارت بوسط قالت فيه “أنا مامسوقاش يكون فيا سيلوليت ولا لا، هادي حاجة عادية جدا وطبيعية”.

https://www.instagram.com/reel/CVIH-HagPI4/?utm_source=ig_web_copy_link

ووضحات الممثلة بأنها متصالحة مع راسها والحاجات اللي كيسموها الناس “عيوب” فيها وماكتشوفش راسها بأنها أجمل وحدة في العالم، وأكدات أنها طلبات من المصورين باش مايديروش فوطوشوب باش تبقى في طبيعتها بعيد على التصنع.

ولبسات أروى كسوة كحلة طويلة فيها الفتحة من جهة الفخد.