كود كازا//

علنات الخطوط الملكية المغربية (لارام)، على إطلاق خط جوي جديد بين كازا ودبي، ابتداء من 28 مارس الجاي، بمعدل ثلاثة دالرحلات فالسيمانة.

وقالت “لارام”، فبلاغ ليها، أن هذ الرحلات غتكون الثلاثاء والخميس والحد، وغتاخد 7 دالساعات ونص، وغاتنطلق مع 8 وقسم دالعشية (بالتوقيت المغربي) وتوصل لدبي مع 6 و35 دالصباح بالتوقيت الإماراتي.

وبالنسبة للرحلات اللي جاية من دبية لكازا، فغاتكون الاثنين والأربعاء والجمعة، وتستغرق 8 دالسوايع، وغاتبدا مع 8 و35 بالتوقيت الإماراتي وتوصل لكازا مع 13 و35.

وغتأمن هذ الرحلة طائرات “بوينج 787 دريملاينر”، حسب البلاغ دائما.