احمد الطيب كود الرباط//
فضايح بنعرفة (سعد الدين العثماني) مكيساليوش، حيث اليوم بان ثاني مفيدوش فاش خلا البام باقي مسيطر على الهيأة العليا للسمعي البصري.
العثماني جاب فاطمة البارودي ديال الاولى والبام لي اصلا مسيطر على الهاكا حط امحمد لعزوز عن طريق حكيم بنشماش رئيس مجلس المستشارين لي عينو.
بزاف ديال البام ولا خدمو معاه ودافعو على مصالحو. بحال اول مجلس للحكماء كان معين.
والاتحاد الاشتراكي تا هو جاب بديعة الراضي، لي اصلا كانت عينها على الهاكا ودارو محاولات كثيرة باش يدافع عليها لشكر ويقنعو الحبيب المالكي، حسب مصادر كود.
بنعرفة جاب خليل الادريسي لي هو مفتش من وزارة الاتصال وحطو فمجلس الهاكا.
مهم البيجيدي خرج خاوي الوفاض فهادشي ديال المؤسسات الدستورية.
يشار إلى ان الملك عين اليوم الإثنين بالقصر الملكي بالرباط، لطيفة أخرباش رئيسة للهيأة العليا للمجلس الأعلى للاتصال السمعي -البصري حسب بلاغ للديوان الملكي. كما عين الملك بنعيسى عسلون مديرا عاما للاتصال السمعي -البصري.
وعين محمد السادس نرجس الرغاي وجعفر الكنسوسي وعلي البقالي وعبد القادر الشاوي وعينهم الملك أعضاء جددا بالمجلس الأعلى للاتصال السمعي –البصري وذلك عملا بمقتضيات المادة 9 من القانون 15-11 المتعلق بإعادة تنظيم الهيأة العليا للاتصال السمعي -البصري.
كما استقبل فاطمة بارودي و خليل العلمي الإدريسي المعينين من طرف رئيس الحكومة وبديعة الراضي المعينة من طرف رئيس مجلس النواب وامحمد المعزوز الذي تم تعيينه من قبل رئيس مجلس المستشارين.
اللي مزيان فهاد الشي هو ان الرئيسة فيدها مزيان فالقطاع بحالها بحال المدير العام للهيئة. هادو كيخدمو وفاهمين ماشي بحال اللي كانو