وكالات //

نفى الملياردير الميريكاني إيلون ماسك، رئيس شركة “تسلا” (Tesla)، وجود علاقة عاطفية بينو وبين مرات مؤسس شركة “كَوكَل”، المقاولة والمحامية نيكول شاناهان.

إيلوك ماسك نشر ف”تويتر”، تغريدة كيوضح فيها، وقال بللي هو و سيركَي، شريك مؤسس ل”كَوكَل”، صحاب عاديين وكيتلاقاو فحفلات خاصة كيكونو معروضين ليها كاملين، أما مراتو نيكول كيقول أنه شافها أصلا غير جوج مرات فمدة ديال 3 سنين.

وزاد إيلون ماسك بللي أصلا فالمرات القليلة اللي تلاقى فيهم نيكول كانو معاهم بزاف ديال الناس وماكانوش بوحدهم، وما بيناتهوم والو من داكشي اللي كيروج.

توضيح ماسك جا بعدما قال جورنال “وول ستريت جورنال” بللي إيلون ماسك نعس مع مرات “سيركَي برين” فاش تلاقاها فمعرض (Art Basel Festival) فمدينة ميامي، وهادشي ليسطوار كلها خلات راجلها يرفع عليها دعوى ديال الطلاق.