كود الرباط//
أكد قيادي بارز في المكتب السياسي لحزب الأصالة والمعاصرة، في اتصال مع ”كو‘‘، أن القرارات التأديبية لي خدا المكتب السياسي فالاجتماع ديال الثلاثاء اللي فات مغاديش تعاود تناقش فاجتماع اليوم لي غايكون فمراكش.
وأفاد القيادي بلي المكتب السياسي لي غايكون فمراكش غايتزامن مع مؤتمر كبير فهاد الجهة واللي غادي يعرف حضور أعضاء المكتب السياسي وغايكون فيه إعلان مواقف من القضايا السياسية الراهنة واللي كذلك غايتم فيه التأكيد على أن المكتب السياسي موحد مور مؤسسة الأمين العام.
وحسب ذات المصدر، فإن لقاء مراكش مكانش مبرمج قبل وحيث أغلب القيادات غايجيو لمؤتمر البام الجهوي فهاد المدينة، اتفقنا نديرو اجتماع اليوم بالليل.
ونفى المصدر القيادي أن تكون القرارات التأديبية لي خدا الحزب عندها تأثير على المؤتمرات الجهوية والإقليمية، مشددا بلي التنظيم غادي بوتيرة مزيانة ومكاينش شي حد فوق المؤسسات.
وفي سياق متصل، علمت ’’كود‘‘ أن محمد بنعيسى وزير الخارجية السابق، اعتذر عن حضور اجتماع المكتب السياسي اليوم، نظرا لتواجده خارج أرض الوطن.
