كود كازا///

شكاية حماة المال العام اللي هضرات على بعيوي ومجاهد، وعدد من الشركات الاخرى حسب مصادر كود، فضحات وعرات على تبادل المصالح والمنافع بين جوج رؤساء جهات.

القضية حسب مصادر خاصة ل”كود”، فيها تصواب cps على مقاس شركة مجاهد، حيث دخل فعدة صفقات فجهة الشرق، وربحها كولها لأن cps فيه معايير محددة مصايبة على مقاس شركة مجاهد.

وزادت المصادر، ان مجموع الصفقات تجاوز مليار سنتيم، هادشي لي حرم مقاولات صغرى ومتوسطة من انها تدخل المنافسة وتكبر حتى هي، وتساءلت المصادر واش يلا القضاء قلب فجهة طنجة غايلقى بعيوي تا هو واخذ مارشيات صحاح؟، باش يتحايلو الاثنان على القضاء.