كود كازا /////

فضيحة فمنتخب كرة السلة المغربي. المنتخب مزيان ودار كأس افريقيا زوينة اهلاتو يلعب بطولة مصغرة مع مصر والكونغو وانغولا باش يتأهلو لكأس العالم لكرة السلة. هاد الشي مزيان غير التنظيم والاعداد ما كانش علاش؟ وفق مصدر “كود” فانها حتى بقات عشرة ايام قبل ما يرسلوهم عاد توصلو بتعويضاتهم والتداريب ما دارتش تقريبا بالشكل اللي خاصها دار.

باش بغاو يمشيو لانغولا اللي لاعبين معاها دابا =منقولة فبيين سبورت= مشاو على ثلاث دفعات ماشي مجموعين كلهم يشرح مصدر “كود”. كون غير سالات عند هاد الحد. المشكلة الاخرى ان ملابس اللعابة ما وصلاتش لانغولا ودابا اللي كيتفرج غادي يشوف نجوم بحال نجاج ومصباحي وكوردو وزويتة ما لاعبيش على هاد السبب.

ودابا هادا راه منتخب غادي لكأس العالم زعما والمغرب طلب استضافة هاد المرحلة التاهيلية وعلى هاد القبال وهاد الشوهة غير بلاش