كود سبور//
تأهلت فرنسا بطلة العالم 2 مرات اليوم الأحد، لربع نهائي مونديال قطر 2022، من بعدما ربحت فدور الثمن منتخب بولونيا.
وربحت فرنسا بولونيا بنتيجة 3 الأهداف مقابل واحد، وماركا لها أوليفر جيرو الهدف الأول مع نهاية الشوط الأول، وفالشوط الثاني زادها كيليان مبابي الهدف الثاني والهدف الثالث، مع العلم أن جيرو بالهدف ديالو اليوم صبح هو الهداف التاريخي ديال منتخب فرنسا برصيد 52 هدف، فالوقت اللي صبح مبابي بهاد 2 بيوتا اللي ماركا أصغر لعاب فتاريخ كأس العالم كيماركي 9 الأهداف وتفوق على الأسطورة بيلي، أما الهدف ديال بولونيا ماركاه الكابيتان ديالها ليفندوفسكي من بيلانتي فاخر لحظة من الماتش.
وبهاد النتيجة تأهلت فرنسا حاملة اللقب، لربع نهائي كأس العالم قطر 2022، وغادي تنتظر بطلة العالم 1998 و 2018 المتأهل من ماتش الثمن الثاني اليوم ما بين السنغال والننكليز باش تلعب معاه على بطاقة التأهل لنصف النهائي، أما بولونيا بقيادة نجمها ليفندوفسكي فتغادر البطولة.
