كريم الشركي – كود///

هاد الورقة الاستثنائية لي دارتها الدولة بزاف دالناس مازال مافاهمينش أنها صالحة لشخص واحد.

هادشي كيبان بالنسبة للناس لي خذاو الورقة لغرض التسوق، حيث عاينت كزد في أكثر من سوق ممتاز، حضورشخصين وثلاثة من نفس المنزل للتسوق.

الاسواق الممتازة هي واحدة من أخطر البؤر لي يمكنلها تخلي كورونا مستمرة الى الابد، وفي الصين نتابهو لهادشي، ودارو رجال الأمن أمام كل تجمع سكاني وكيعطيو الحق لواحد من كل دار يخرج مرة وحدة فالنهار فالمناطق لي ماكانتش وبائية، ومرة فالثلاثة أيام فالمناطق لي كانت وبائية.

طبعا فالمغرب درنا الورقة، ولكن الدولة مادارتش اجراءات على مستعملي الورقة من غير يلا شدوهوم فالشارع.

خاص الدولة دير الأمن فالاسواق الممتازة باش تمنع أي جوج من أسرة واحدة يجيو يتسوقو، واحد فيه الكفاية.