شوهة وضربة لميناء المتوسط. الخزيرات شدات 25 طن دلحشيش ودازت من الديوانا. واش كاين شي كومليس ولا ثغرة خاصو يطيرو فيها ريوس
كود – مكتب الرباط///
المفكر عدنان أبراهيم دار فيديو كيدافع فيه على الحفل اللي تدار فالمغرب في حضرة البابا فرنسيس والملك محمد السادس واللي تغنى فيه الإذان مع الترانيم في مزج جد راقي حضاري وإنساني، وقال بلي هاد الحفل يدعو للسرور والفرح ويخدم الإسلام والمسلمين.
واكد ردا على الفتوى المتشددة اللي صدرت عن الإتحاد العالمي لعلماء المسليمن واللي حرمت غناء الأذان مع الترانيم:” هذا ليس أذاناً للصلاة، والذي يغلب على ظنّي، أن هذه الفتاوى لا تخلو من رائحة السياسة، وهذا يفسد الدين”.
وأضاف أيضا: “ًأن استقبال زعيم روحي لمليار ونصف كاثوليكي حول العالم، يخدم الإسلام أكثر مما يفعل المشايخ لألف سنة”، داعيا إلى الإكثار من أحداث بحال هادي.
وكان الريسوني قد أصدر فتوى بإسم الإتحاد العالمي لعلماء المسلمين طالب فيها بالحفاظ على الآذان كيف ماهو بلا زيادات ولا نقصان أو مزج مع الترانيم حيت راه شعيرة إسلامية مقدسة وداكشي.