عمـر المزيـن – مكتب الرباط//
[email protected]

“مثلي مراكش” لي كانو ضربوه وانتاهكو الحياة الخاصة ديالو خرج على بوليس فعاصمة النخيل مراكش.

فقد أصدر المدير العام ديال مديرية البوليس، عبد اللطيف حموشي، عقوبات تأديبية تنوعات ما بين التوقيف المؤقت عن العمل والتوبيخ وحتى الإنذار فالحق ديال 4 مسؤولين كيخدمو فولاية أمن مراكش.

هاد البوليس عندهوم رتبة ديال عميد شرطة إقليمي وعميد ممتاز وضابط أمن ممتاز وضابط أمن. المديرية قالت على أنه أخلوا بالتزاماتهم المهنية وعدم اتخاذهم التدابير الاحترازية اللازمة للمحافظة على المعطيات الشخصية الخاصة بشخص كان موضوع بحث تمهيدي في قضية حادثة سير بدنية، في إشارة منها للقضية ديال “مثلي مراكش”.

بلاغ ديال المديرية أوضح على أن الإصدار ديال هاد العقوبات التأديبية يأتي في أعقاب البحث الإداري اللي كانت باشراتو المفتشية العامة للأمن بتكليف من المدير العام للأمن الوطني، واللي حدد بشكل دقيق هاد الإخلالات لي منسوبة للمسؤولين الأمنيين المخالفين، والتي تمثلت في التقصير الواضح في صون المعطيات التشخيصية الخاصة بالأفراد الذين هم موضوع مساطر وأبحاث قضائية.

وشددت المديرية على أنها حريصة على التطبيق السليم ديال القانون، وأنها عازمة باش تواصل توطيد مبادئ التخليق الوظيفي، بما يضمن تنزيل المقتضى الدستوري الذي يربط المسؤولية بالمحاسبة.