اسماء غربي – كود//

القضية ديال عائلة الغاوي لي خرجو كيكذبو فخوهم محمد لي قال أنه عاش الفقر مازال غادة وكتكبر.

محمد الغاوي لي جبد على راسو النحل خرج فتصريحات بقا ليه غير الدموع يطيحهم، وقال أن خوه عبد العالي لي حتى هو مغني داير الحرب ضدو، وباغي يضرب ليه صورتو بطريقة خيبة بزاف عن طريق الاعلام.

المشكل العائلي لي خرج للعموم داير حالة وكلشي مصدوم من عائلة الغاوي، وها علاش كنقولو ديما في “كود” أن  المعاطية كتسالي ديما بشي فيلم ماكينش.

والمثير في هادشي أن الفيديو لي خرجو فيه تصريحات عائلة الغاوي ضد خوهم محمد مكانش فيه عبد العالي لي كلشي شكرو.

المهم مع الوقت يبان العربون.