وكالات-كود//
شركة ديال العراسات لغات كثر من 7500 عرس في ميريكان بسبب الافلاس، وخلات الآلاف ديال لي كوبل مصدومين بعدما ضاعت ليهم ليلة العمر.
وكانت شركة “نواه للمناسبات”، لي مكلفة بكثر من 40 بلاصة ديال العراسات في 20 ولاية على الأقل في مريكان علنات أنها ضربها سيزي ومعندهاش منين تعوض الناس ولا ترجع ليهم العربون.
محكمة الإفلاس لي مكلفة بملف الشركة لي كاين المقر ديالها في يوتاه، علنات عن توقف عمليات “نواه للمناسبات” فورا، والشركة نشرات رسالة على السيت ديالها.
وكانو 7500 من العرائس والعرسان حجزو بلايص عرسهم مع الشركة.
