الرئيسية > آش واقع > شبيبة التراكتور فكازا كاعيين.. اتهمو الحزب بالتحكم فالحياة السياسية للبلاد وطالبوه بالجواب على أسئلة الملك والشعب
15/01/2020 11:30 آش واقع

شبيبة التراكتور فكازا كاعيين.. اتهمو الحزب بالتحكم فالحياة السياسية للبلاد وطالبوه بالجواب على أسئلة الملك والشعب

شبيبة التراكتور فكازا كاعيين.. اتهمو الحزب بالتحكم فالحياة السياسية للبلاد وطالبوه بالجواب على أسئلة الملك والشعب

عفراء علوي محمدي- كود- كازا//

اعترفات اللجنة الجهوية لشباب الأصالة والمعاصرة بجهة الدار البيضاء سطات بللي الحزب مابقاتش عندو القدرة باش يجدد عرضو السياسي ويجاوب على أسئلة المجتمع، والأزمة للي وصل ليها الحزب اليوم سبابها استمرار نفس الوجوه في التناوب على المسؤوليات.

وأكدات الشبيبة، فبلاغ ليها صدراتو لبارح بالليل، أن الحزب لازم عليه يوضع شبابو فالصورة حول كينونتو ووضيفتو، خصوصا وأنه ماقدرش يجاوب على أسئلة الملك، للي من سؤال انعدام الثقة في الأحزاب السياسية ولا سيما حزب التراكتور.

واعتابرات اللجنة أن البام فشل في دورو في التأطير والتكوين والاستقطاب، وولا يلعب دور الوساطة بين مطالب الشعب ومؤسسة الدولة، حتى سماه البعض بحزب “المخزن”.

وماشي غير هادشي، اتهمات الشبيبة كذلك التراكتور بالتحكم في الحياة السياسية للبلاد، والعبث بالشأن الداخلي للأحزاب السياسية الأخرى.

الحزب مطالب، كيف ما قالت الشبيبة فبلاغها، بتقديم عرض برنامجي متكامل حول المشاريع الوطنية الجامعة والجهوية المتقدمة والتفاوتات المجالية والنموذج التنموي الجديد قبل مؤتمرو الوطني الرابع، أو خلال المؤتمر نيت.

وختمات شبيبة البام فكازا بلاغها كاتقول فيه بالحرف: “الحزب لم يقم بادنى جهد من أجل إشراك الشباب في صياغة أو بلورة المشاريع المذكورة أتلاه ولا يعدو أن يكون الحزب سوى فرصة لاقتسام الكعكة”.

موضوعات أخرى

19/03/2024 09:45

قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب