كود احمد الطيب الرباط//
بيان وكيل الملك البارح الغريب على قضية الصحافية هاجر الريسوني فيه امور كثيرة رد عليها محاميها ف”كود” وفيه عبارة باللي هاد القضية كانت بمحض صدفة. اي غير بار ازاز. بغى يگول ما كاين لا استهداف لا والو.
غير هي الارقام كتقول امور اخرى عكس هاد الشي. فالمغرب كاينة ما بين 600 و800 حالة اجهاض كدار يوميا يعني بعملية حسابية ولا درنا غير معدل 600 حالة اجهاض فالنهار كيعود عندنا فالعام 219 الف حالة اجهاض. تصورو هاد الرقم. بزاف بزاف بزاف.
واجيو نشوفو شحال من قضية كتعرض سنويا على القضاء فقضايا كتهم الاجهاض.
وفق الاحصائيات الرسمية اللي جات فالتقرير السنوي ل2018 حول السياسة الجنائية كاين قسم ديال الجنايات والجنح المرتبكة في قضايا العنف ضد المرأة ف2018. الاجهاض فيه ماشي اولوية ما مسوق ليه حد.