الرئيسية > تبركيك > رمضان وكونفينمون (الحلقة 28).. الفنان رضوان برحيل فحوار مع “كود”: كورونا اثرات على الفنانين حيت مورد رزقهم من الحفلات
12/05/2021 21:00 تبركيك

رمضان وكونفينمون (الحلقة 28).. الفنان رضوان برحيل فحوار مع “كود”: كورونا اثرات على الفنانين حيت مورد رزقهم من الحفلات

رمضان وكونفينمون (الحلقة 28).. الفنان رضوان برحيل فحوار مع “كود”: كورونا اثرات على الفنانين حيت مورد رزقهم من الحفلات

عفراء علوي محمدي- كود//

“كود” سولات مشاهير وسياسيين وفنانين ومؤثرين وإعلاميين على كيفاش كيدوزو نهارهم فهذ رمضان الاستثنائي مع كورونا، وعلى رأيهم فالإنتاجات الرمضانية.

الفنان رضوان برحيل كان ضيفنا فهذ الحلقة، وها شنو قال ل”كود”:

كيفاش كتدوز رمضان دابا اللي مسدود علينا؟

بحال كَاع العائلات المغربية، كل واحد كيدير الحوايج المتاحة ليه، أنا كنفطر، كنصلي التراويح، كنقرى القرآن، كنلعب شوية بلايستايشن، هذ العام بعدا حسن من العام اللي فات، حيث رمضان اللي قبل ماحسيناش بالطعم ديالو، وكورونا كانت حاجة جديدة بالنسبة لينا،والمغاربة تخربقو وماعرفوش اشنو يديرو، الحمد لله هذ العام عشنا الاجواء، واخا ماكانوش التراويح ولكن هذشي ديال الله.

واش الإجراء اللي اتخذاتو الحكومة مزيان؟

حنا كمواطنين ماكانشوفوش الصورة من لفوق، وماشي فالمنصب ديال اللي عندها مسؤولية التدبير، لكن بالنسبة لي هذشي ليدارو صحيح، حيت الصحة هي اهم حاجة، والإنسان إلى ماكانش بصحتو ماغاديش يدير انشطة غيخليوه يعيش، بغض النظر على حالة الاقتصاد والناس اللي تضررو…

كيفاش أثرات كورونا على الميدان الفني؟

ماغانقوليكش أن الحالة كانت زوينة، حيت أصلا حنا فالمغرب ماكاينش عندنا شركات إنتاج اللي غتعاون، الفنان المصدر دالرزق ديالو الأساسي واللي غيخليه ينتج هوما الحفلات، الحفلات مابقاوش، فبتالي صعيب على الفنان يكمل فالسيرورة ديال إصدار الأعمال، القضية صعيبة على الفنانين، وكنتمناو هذشي يتقاد.

كيجاوك أعمال رمضان؟

صراحة ماكنتابعش الأعمال الرمضانية بزاف، ماشي كنقص من قيمة ومجهودات الاعمال المغربية، لكن غير أنا ماكنتفرجش بزاف فالتلفزة، وطبعا كنحييهم على مجهوداتهم وكنسمع اصداء زوينة على هذ الأعمال، وكنشوفو نجوم شابة هي مستقبل المغرب فمجال التمثيل.

شنو الجديد ديالك؟

كاين أعمال اللي غادي تنزل إن شاء الله قريب، أعمال اللي خدمت عليها قبل رمضان، وكاين عمل ديني اجتماعي كان نورمالمون غينزل قبل رمضان، ولكن ماكتابش، فاضطريت أنني نأجلو، لكن كنواعد إن شاءالله الجمهور بحاجة زوينة اللي تليق بالذوق ديالهم.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا