وكالات //

كشفات دراسة جديدة نشراتها جريدة “دايلي ميل” أن الناس اللي مبليين بالكلمات المتقاطعة والألغاز عاونو راسهم بزاف باش مايجيهمش مرض الزهايمر لمدة 5 سنوات إضافية.

الدراسة شملات 1900 واحد العمر ديالهم ما بين 53 و100 عام وبان أن الناس اللي كانو كايديرو هاد الأنشطة تصابو بمرض الزهايمر في 93 عام في حين أن الناس الآخرين بداهم المرض في 88 عام.

فريق الدراسة خذا بعين الاعتبار بزاف ديال العوامل بحال القراية، الجنس، العزلة الاجتماعية وحتى واش كايحسو بالوحدانية.