كود-وكالات//

وضحات دراسة داروها خبراء من جامعة “ليفربول” ومؤسسات ف”بولندا” و”فنلندا” ، أن المرأة كتنجذب للرجل الغامض الي كتوحي تصرفاتو بأن التعامل معاه ماشي سهل أو بسيط، أكثر من الشخص الرومانسي الي كيعبر على مشاعرو للمرأة بكل بساطة ويسر، حيت بزربة كتمل منو بعد فترة قليلة من بدأ العلاقة.

وكنلقاو فبعض الحالات، انجذاب المرأة للرجل العنيف، وكترجح دراسات أنه غالبا ما كتكون المرا كتبحث فيه على الحماية، وكتنجذب فيه لسلوك “الرجل القوي البطل”، ويقدر يكون السبب غريزي، لرغبتها فنقل بعض هاذ الصفات لولادها منو.

وفسياق مواز، كيربطو بعض العيالات بين النرجسية والنجاح، وكتلقاها كتنجذب للشخصية النرجسية، وكيأكد بحث نشراتو صحيفة ” دا أندبندنت” البريطانية، أن مهارة سرد القصص والخبرات والمواقف من الصفات المرغوبة فالرجال، حيت كتشير لمكانتو العالية ومعلوماتو الكثيفة.