نشاط عسكري ديال البحرية الملكية فالسواحل الجنوبية ديال بلادنا غيبقى 3 شهور وها البلايص لي خاص يبعدو منها الصيادة
كود سبور//
صبحت الدارجة المغربية كتفرض نفسها فالصبليون فالتواصل ما بين المغاربة وأيضا ما بينهم وما بين الصبليونيين، وهذا الأمر تلاحظ مؤخرا فالفرق الاسبانية لكرة القدم وعند اللعابا.
واقعة جديدة طريفة ما بين النجم المغربي أشرف حكيمي نجم باريس سان جيرمان واللعاب الإسباني خواكين نجم ريال بتيس، بحيث فرض حكيمي على خواكين يتكلم بالدارجة المغربية ويجاوبو فحال شي واحد مغربي.
أشرف حكيمي وخلال الحصة التدريبية اللي خاض رفقة المنتخب الوطني المغربي أمس الاثنين إستعدادا لمواجهة منتخب الباراكواي، وفالتواجد ديالو فالفيستيير ديال ملعب الماتش وهو الملعب الخاص بريال بتيس قام بالتقاط صورة للاعب خواكين وحطها فستوري فانستغرام الأمر اللي جعل خواكين يتفاعل وجاوب حكيمي بالدارجة المغربية وقاله: “شكرا بزاف حبيبي”.
للإشارة فالدارجة المغربية صبحت متداولة بشكل كبير فالصبليون بحيث أن الفرق ديال الكرة كيستخدموها بزاف لتقديم اللاعبين المغاربة وأيضا للتفاعل مع الجالية المغربية والعرب المقيمين فاسبانيا.