عفراء علوي محمدي- كود//

تسجلات اليوم 2227 إصابة جديدة بكورونا، وهكذا وصل الإجمالي ل105346، بمعدل إصابة ديال 290 لكل 100 ألف نسمة، و6 لكل 100 ألف نسمة فهذ 24 ساعة.

وحسب نشرة كوفيد19 اليومية اللي علنات عليها وزارة الصحة، اليوم الثلاثاء، ماتو اليوم 34 واحد، وبلغ الطوطال 1889، بنسبة فتك ديال 1,8 فالمية.

وبراو اليوم 1725 واحد، ووصل المجموع ل85883، بنسبة تعافي ديال 81,5 فالمية.

وعدد الحالات النشيطة بلغ 17574، أي بمعدل 48,4 لكل 100 ألف نسمة.

وكاينة 277 حالة حرجة فالإنعاش، منها 47 تحت التنفس الاصطناعي الاختراقي.

واليوم تستبعدات 21066 حالة، ووصل المجموع ديال الحالات السلبية ل2328523.

وكتتوزع الإصابات والوفيات الجديدة على الجهات والأقاليم كما يلي:

وهذا المنحى الوبائي اليومي:

وهذا المنحنى الأسبوعي:

وهذا تطور مؤشر الإصابة الأسبوعي لكل 100 ألف نسمة: