بمشاركة براهيم دياز.. الركراكي بدا الخدمة مع لاعبين المنتخب وها علاش ركز معهم
كود سبور//
طلع محمد بودريقة الرئيس الأسبق ديال الرجاء الرياضي “فوق الشوية” على مواقع التواصل الاجتماعي، بسبب اتهامات عدد جمهور الرجاء له بخصوص الطريقة اللي كان كيصرف بها فلوس النادي خلال الفترة الرئاسية ديالو.
جمهور الرجاء الرياضية طالب بافتحاص الفترة ديال برئاسة بودريقة للرجاء بسبب معلومات كتفيد أن خلال تسييره للنادي تم صرف فلوس ديال الفريق وتحويلها لشركات ومن بينها الشركة ديالو، ورد عليهم هو وقاليهم أن القضاء حكم للصالح ديالو فالملف الخاص بافتحاص مالية الرجاء فالفترة ما بعد مونديال الأندية لسنة 2013.
بودريقة خرج مرة أخرى يدافع على راسو وعادو نشر قبل لحظات واحد الفيديو ففيسبوك، كيكشف فيه الطريقة اللي كان كيصرف من خلالها أموال الرجاء وعلاش تم تحويل أموال لشركات معينة، وحسب الكلام اللي قال فالشركات تسلمت الفلوس من النادي حيث كانت كتمنح قروض للفريق، فكانت هذه الشركات كتخلص فبلاصت الرجاء والآخير كيرجع لها فلوسها ملي كيدخل المنح وكتوفر عندو السيولة.
بودريقة لم يكتفي فالفيديو ديالو بالدفاع على راسو، بل قال الرجاويين أنه كان كيعطي منح للنادي بالملايين كهبة للنادي وبلي هذه الأمور موثقة، وأن كاين هدف لتشويه الصورة ديالو .