نجوى المالحي-كود//
النجم العالمي المغربي كريم خربوش المشهور بفرانش مونتانا شارك صور العائلة ديالو مع ملايين المتابعين لي عندو فانستكرام ولي فايتين 22 مليون شخص عبر العالم.
التصاور كانت تلقائية وفيها بزاف ديال الحب، وبانت الأم ديالو ببيجامة ودايرة شارة النصر بصباعها، وفرحانة وضاحكة، وسط ولدها كريم وأيوب وخواتاتها.
الحبيب السابق ديال كلوي كاردشيان كتب في تعليقو على صور “من إفريقيا.. المهمة المستحيلة تمت بنجاح”.
وعلى عكس الزيارات لي فاتو، كريم زار عائلة الأم ديالو ومبانش مع باه لي كان خرج في فيديوهات كيقول أنه مكيعطيهش الفلوس واخا هو عايش الحياة فميريكان كواحد من أشهر الرابورا فالعالم.
