الوالي الزاز -كود- العيون ////

شوهة كبيرة تأكدات اليوم. وزير الخارجية والتعاون المغربي ناصر بوريطة خدام عند مجلة “جون افريك”. علاش هاد الشي. هاد المجلة خرجات الوفد اللي غادي لجنيف يومي 5 و6 دجنبر يشارك فالمائدة المستديرة اللي فيها البوليساريو والجزائر وموريتانيا.

اليوم خرج بيان من الخارجية كيعاود نفس التشكيلة زاد فقط عضوة فمجلس بلدية السمارة اسمها فاطمة العدلي.

شوهة الخارجية انها حتى بقى يومين عاد خرجات التشكيلة. البوليساريو داروها رسميا اكثر من اسبوع ووزارة بوريطة رسلاتها للمجلة الفرنسية. احتقار للمغاربة احتقار للقضية اللي كيكولو لينا هادي سنوات “قضية المغاربة الاولى”.

جون افريك كانت قالت باللي الوفد يرأسه وزير الشؤون الخارجية والتعاون الدولي، ناصر بوريطة وفيه حمدي ولد الرشيد ، رئيس جهة العيون – الساقية الحمراء ، وينجا الخطاط، رئيس جهة الداخلة واد الذهب. طبعا نساو غير عمر هلال، الممثل الدائم للمملكة المغربية لدى الأمم المتحدة في نيويورك وفاطمة العدلي، ناشطة جمعوية وعضو في بلدية السمارة.